.
افغانستان وطالبان

افغان پاسپورٹ آفس نے شہریوں کو نئے پاسپورٹ کا اجراء شروع کر دیا

طالبان حکام کے مطابق ایک دن میں پانچ سے چھ ہزار پاسپورٹ جاری کرنے کی صلاحیت ہے

پہلی اشاعت: آخری اپ ڈیٹ:

افغان پاسپورٹ آفس کے حکام کے مطابق امارت اسلامی افغانستان کی حکومت منگل کے روزسے افغان شہریوں کو دوبارہ پاسپورٹس فراہم کرنا شروع کر دے گی۔

پاسپورٹ آفس کے عبوری سربراہ عالم گل حقانی نے کابل میں صحافیوں سے بات کرتے ہوئے بتایا کہ پاسپورٹ انتظامیہ ایک دن میں پانچ سے چھ ہزار پاسپورٹ جاری کرے گی اور خواتین کے پاسپورٹ بنانے کے لئے خواتین عملہ بھرتی کیا جائے گا۔

وزارت داخلہ کے پاسپورٹ ڈویژن کے مطابق تقریبا 25000 افراد کی درخواستوں پر پاسپورٹ تیار کر دئیے گئے ہیں جنہیں جلد فراہم کر دیا جائے گا۔