چین کی طرف سے امریکہ کو انتباہ کیے جانے کی تصدیق

چین نے اس امر کی تصدیق کی ہے کہ اس کی طرف سے امریکی ایوان نمائندگان کی سپیکر نینسی پیلوسی ماہ اگست میں تائیوان کے متوقع دورے کے حوالے سے امریکہ کو انتباہ کیا گیا ہے اور مختلف مواقع پر کیا گیا ہے۔ واضح رہے نینسی پیلوسی کے اس ممکنہ دورے کی خبرسب سے پہلے فنانشل ٹائمز نے دی تھی۔

چین وزارت خارجہ کے ترجمان زہاو لیجیان نے پیلوسی کے ممکنہ دورہ تائیوان کے بارے میں اس امر کی تصدیق کی ہے کہ ' چین نے مختلف مواقع پر امریکہ کو خبردار کر دیا ہے کہ چین ایسے دورے کی سخت مخالفت کرے گا۔ ' ترجمان نے مزید کہا ' ہم اس طرح کے کسی دورے کا جواب دینے کے لیے پوری طرح تیار ہیں۔'

چین نے اس سلسلے میں دوٹوک انداز میں امریکہ کو انتباہ کیا ہے کہ 'اگر اپنے راستے پر رہتا ہے تو چین بھی یقینی طور پر اپنے خود مختاری اور علاقائی استاحکام کے لیے زور دار اقدامات کرے گا۔ '

چینی ترجمان نے اس بارے میں مزید زور دیتے ہوئے کہا ' اس صورت میں تمام تر سنگین مضمرات کی ذمہ داری امریکہ پر ہو گی۔'