چینی صدر کا سعودی فرمانروا کے نام خط، ایکسپو 2030 کی سعودی میزبانی کی حمایت کا اعلان

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی فرمانروا اور خادم حرمین شریفین شاہ سلمان بن عبد العزیز کو لکھے جانے والے ایک خط میں چینی صدر شی جن پنگ نے سعودی عرب کی جانب سے ایکسپو 2030 کی میزبانی کی حمایت کی ہے۔

سعودی عرب کی سرکاری نیوز ایجنسی 'سعودی پریس ایجنسی' کے مطابق چینی صدر نے اپنے مکتوب میں سعودی عرب اور چین کے درمیان مضبوط دو طرفہ تعلقات کی تعریف کرتے ہوئے تمام شعبوں میں تعاون کے فروغ کی اہمیت پر زور دیا۔

چینی صدر کا مکتوب نائب وزیر خارجہ انجینیئر ولید عبد الکریم الخریجی نے سعودی وزیر خارجہ شہزادہ فیصل بن فرحان کی جانب سے چینی سفیر چن وی چنگ سے ریاض میں وصول کیا۔

وزیر خارجہ انجینیئر ولید عبد الکریم الخریجی نے چینی سفیر چن وی چنگ سے چینی صدر کا مکتوب وصول کیا
وزیر خارجہ انجینیئر ولید عبد الکریم الخریجی نے چینی سفیر چن وی چنگ سے چینی صدر کا مکتوب وصول کیا

اس موقع پر دونوں رہنمائوں نے دونوں ممالک کے درمیان تعاون میں اضافے اور ذاتی دلچسپی کے امور پر بھی پر تبادلہ خیال کیا۔

مقبول خبریں اہم خبریں