ایران کے اعلیٰ مذاکرات کار محمد باقر قالیباف نے منگل کے روز کہا ہے کہ ان کا ملک اپنی بندرگاہوں پر امریکی ناکہ بندی کے دوران تیل برآمد کرنے سے قاصر تھا۔ انہوں نے مشاہدہ کیا کہ پابندیاں اٹھنے کے بعد سے برآمدات میں اضافہ ہوا ہے۔
قالیباف نے سرکاری ٹیلی ویژن پر ایک انٹرویو میں کہا، "ناکہ بندی اٹھانے کے دن سے لے کر آج تک ہم نے 40 ملین بیرل سے زیادہ تیل برآمد کیا ہے۔"
"اس کے برعکس گذشتہ 50 سے تقریباً 60 دنوں کے دوران ہم حقیقتاً تیل کا ایک بیرل بھی برآمد کرنے میں ناکام رہے،" انہوں نے مزید کہا۔
قالیباف نے یہ بھی کہا، ایران امریکہ کے ساتھ سفارت کاری کو ترجیح دے رہا ہے لیکن جنگ کے لیے تیار ہے۔
جیسا کہ دوحہ میں ایرانی اور امریکی وفود کے الگ الگ مذاکرات ہونے والے ہیں تو انہوں نے کہا، "ہم مذاکرات کر رہے ہیں لیکن اگر ان پر عمل نہ ہوا تو ہم جنگ کے لیے بھی تیار ہیں اور حالات کے مطابق جواب دیں گے۔"
