دُنیا کی سب سے طویل قامت خاتون کا زندگی میں پہلا فضائی سفر کیسا رہا؟

دنیا کی سب سے طویل قامت خاتون ترکیہ کی رومیسا گلگی زندگی میں پہلی بار فضائی سفرپر گئی ہیں۔

2.15 میٹر کی لمبائی کے ساتھ گنیز بک آف ریکارڈز میں نام درج کرنے والی خاتون ٹرکش ایئر لائنز کی جانب سے اس مشن کو انجام دینے کے لیے طیاروں میں سے ایک کو تبدیل کرنے کے بعد پرواز کرنے کا تجربہ کرنے میں کامیاب ہوئیں۔

پرواز نے ریاست ہائے متحدہ امریکا کے سان فرانسسکو کے لیے اڑان بھری، جہاز سے 6 سیٹیں ہٹا کر اس کی جگہ گلگی کے لیے بستر لگا دیا گیا۔

"شاندار سفر"

طویل قامت مسافر نے اپنی خوشی کا اظہار کرتے ہوئے "انسٹاگرام" پر اپنے اکاؤنٹ پر ایک پوسٹ میں کہا: "شروع سے اختتام تک یہ ایک شاندار سفرتھا۔

انہوں نے یہ بھی واضح کیا کہ یہ پرواز جو ان کے ہوائی جہاز میں سوار ہونے کا پہلا موقع تھا مگر ان کا کہنا تھا کہ یقینی طور پر آخری نہیں ہوگی۔

طویل قامت

یہ بات قابل ذکر ہے کہ ترک خاتون نے اپنی زندگی میں اس سے پہلے کبھی ہوائی سفر نہیں کیا تھا کیونکہ اس کا قد اس کی اجازت نہیں دیتا تھا، یہاں تک کہ جب وہ چھوٹی عمر میں ہی تھیں تب بھی ان کے لیے ہوائی جہاز میں بیٹھنے کی گنجائش پیدا کی گئی۔

گلگی نے کئی گنیز ورلڈ ریکارڈ قائم کیے ہیں اور 2014 میں وہ سب سے لمبے قد والی زندہ نوعمر لڑکی سمجھی گئیں۔

رواں سال کے شروع میں انسائیکلوپیڈیا میں بھی ان کا نام شامل کیا گیا۔ ان کے ہاتھ اور انگلیوں کو سب سے لمبے ہاتھ اور انگلیاں قرار دیا گیا۔