اسرائیل کے غزہ پر حملے جاری، اسلامی جہاد کے ایک اور سینئر رہنما کو قتل کردیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اسرائیلی فوج نے تحریک اسلامی جہاد کے رہنماؤں اور ارکان کو نشانہ بنانے کے عزم کا اظہار کرتے ہوئے جمعہ کے روز غزہ کی پٹی میں فضائی حملہ کرکے اسلامی جہاد کے عسکری ونگ القدس بریگیڈ کے سینئر رہنما کو قتل کردیا۔

ذرائع نے انکشاف کیا کہ آپریشنل معاملات کے ذمہ دار اور تحریک کے عسکری ونگ القدس بریگیڈز میں ملٹری کونسل کے قائم مقام سربراہ ایاد الحسنی مغربی غزہ کی پٹی میں ایک گھر پر اسرائیلی حملے میں جاں بحق ہوئے۔

طبی حکام نے بھی تصدیق کی ہے کہ مغربی غزہ کی پٹی کے النصر محلے میں واقع ایک اپارٹمنٹ کو نشانہ بنایا گیا۔ اس حملے میں دو فلسطینی جاں بحق اور دیگر زخمی ہوگئے۔ الحسنی اس ہفتے اسرائیل کے ہاتھوں قتل ہونے والے کونسل کے چھٹے رکن ہیں۔ اسی طرح مساعد الحسنی بھی فضائی حملے میں مارا گیا۔

اسرائیلی فوج کی جنوبی کمان کے کمانڈر میجر جنرل ایلیزر ٹولیڈانو نے القدس بریگیڈ کے احمد ابو دقہ کے قتل کے بعد جمعرات کو اعلان کیا کہ فوج تحریک اسلامی جہاد کے ارکان کو نشانہ بنانے کا سلسلہ جاری رکھے گی۔

یہ پیش رفت اسرائیل کی طرف سے قاہرہ کی ثالثی میں ہونے والے جنگ بندی کے مذاکرات کو منجمد کرنے کے اعلان کے بعد سامنے آئی ہے۔

مقبول خبریں اہم خبریں

مقبول خبریں