مقامی عازمین حج کو کرونا وائرس سمیت دیگر ویکسینز لگوانا ہوں گی: سعودی محکمہ صحت

سعودی محکمہ صحت نے کہا ہے کہ داخلی عازمین حج کو رواں سال تین ویکسینز لگوانا ہوں گی۔

سعودی خبر رساں ادارے'ایس پی اے' کے مطابق محکمہ صحت کے معاون ڈائریکٹر جنرل عبدالرحمٰن ابو داھش نےسے بتایا کہ مملکت کے شہری اور مقیم غیر ملکی عازمین حج کو انفلوائنزا، گردن توڑ بخار اور کرونا وائرس کی ویکسینز لگوانا ہوں گی اور اس مقصد کے حصول کے لئے ملک بھر کے چالیس فیصد ہیلتھ سینٹر ویکسین فراہم کرنے کے لیے مختص کیے گئے ہیں۔

انہوں نےکہا کہ رواں سال سعودی شہریوں اور مقیم غیر ملکیوں کو انفلوائنزا، گردن توڑ بخار اور کرونا وائرس کی ویکسینیز لگائی جارہی ہیں، یہ پابندی امراض سے بچاؤ والے حفاظتی صحت مراکز کی جانب سے لگائی گئی ہے۔