تہران: الھلال نے ایرانی کلب کو تین گولز سے شکست دے دی، نیمار کا پہلا گول

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے فٹ بال کلب الھلال نے ایرانی کلب نساجی مازندران کو 3 گولز سے شکست دے دی۔ میچ کے دوران الھلال کے سٹار سٹرائیکر نیمار نے بھی کلب کی جانب سے اپنا پہلا گول سکور کیا۔

میچ کے دوران سعودی کلب کے سٹرائیکر الیگزینڈر میترووک نے صرف 18 ویں منٹ میں پہلا گول داغ کو الھلال کو برتری دلا دی۔ اس کے بعد 58 ویں منٹ میں نیمار نے کلب کا دوسرا گول کیا۔

الھلال کلب کے صالح الشہری نے میچ کے اختتامی مراحل میں تیسرا گول کیا جس کے بعد میچ تین صفر کے سکور پر اختتام پذیر ہو گیا۔

میچ کے دوران الھلال کے کپتان سلمان الفراج اور ایرانی کلب کے امیر محمد ہوش مند کو ریویو کے بعد ریڈ کارڈ دکھا کر کھیل سے باہر بیٹھا دیا گیا۔

الھلال کی فتح کے بعد اسے ایشین چیمپئن شپ کے گروپ ڈی میں چار پوائنٹس حاصل ہو گئے ہیں جبکہ ایرانی کلب کے پاس تین پوائنٹس ہیں۔

مقبول خبریں اہم خبریں

مقبول خبریں