لندن : ہیتھرو ایئرپورٹ پر دو طیارے ٹکرا گئے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

لندن کے ہیتھرو ایئرپورٹ پر دو مختلف کمپنیوں ورجن اٹلانٹک اور برٹش ایئرویز کے جہاز آپس میں ٹکرا گئے۔ ایئر ویز نے بتایا ہے کہ سٹینڈ سے کھینچتے ہوئے ورجن اٹلانٹک جیٹ کا 'ونگ ٹپ' برٹش ایئرویز کے ہوائی جہاز سے ٹکرایا۔ یہ حادثہ ٹرمینل تین پر پیش آیا ہے۔

خیال رہے ہیتھرو ایئرپورٹ برطانیہ کے مصروف ترین ہوائی اڈوں میں سے ایک ہے۔ ایئرپورٹ انتظامیہ کا کہنا ہے کہ کسی مسافر کے زخمی ہونے کی اطلاع نہیں ملی ہے۔

برٹش ایئرویز نے ایک بیان میں کہا ہے 'انجینیئرنگ ٹیم جہاز کو دیکھ رہی ہیں۔ صارفین کو پریشانی سے بچانے کے لیے متبادل جہاز فراہم کر دیا گیا ہے۔'

ورجن اٹلانٹک کا کہنا ہے کہ بوئنگ 787-9 نے ابھی ایک پرواز مکمل کی تھی۔ ایئر فیلڈ کے دوسرے حصے میں لے جاتے ہوئے یہ حادثہ پیش آیا ہے۔ ترجمان ورجن اٹلانٹک نے کہا 'حادثے کی تحقیقات کا آغاز کر دیا گیا ہے۔ ہماری انجینئرنگ ٹیم طیارے کو دیکھ رہی ہے۔ تاہم واقعہ کے بعد کسی پرواز کے شیڈول میں تعطل پیش نہیں آیا ہے۔'

مقبول خبریں اہم خبریں

مقبول خبریں