دو بحری جہازوں پرحملوں کے بعد یمن کے ساحل پر المخا کے جنوب میں مشتبہ واقعہ

یمن کے ساحل کے قریب ’ایم وی‘وربینا جہاز پر حملے کے بعد اس میں آتش زدگی کے بعد برطانوی میری ٹائم ٹریڈ آپریشنز اتھارٹی نے ایک نئے واقعے کے رونما ہونے کا اعلان کیا ہے۔

میری ٹائم اتھارٹی نے آج اتوار کو ایک مختصر بیان میں کہا کہ اسے یمن میں مخا سے 40 ناٹیکل میل جنوب میں سمندر میں ایک واقعے کی اطلاع ملی ہے۔

تاہم اس نے اس واقعے کی مزید تفصیلات نہیں بتائیں، البتہ اتنا بتایا کہ حکام اس واقعے کی تحقیقات کر رہے ہیں۔

جہاز میں آتش زدگی

یہ واقعہ اس وقت سامنے آیا جب ’ایم وی‘ وربینا جو یوکرین کا ملکیتی ایک مال بردار بحری جہاز کو حوثی گروپ کے دو الگ الگ میزائل حملوں کے نتیجے میں آگ لگادی، جس کے نتیجے میں جہاز میں آگ بھڑک اٹھی تھی۔

قبل ازیں حوثیوں نے گذشتہ بدھ کی شام بحیرہ احمر میں ڈرون کشتی اور متعدد ڈرونز اور بیلسٹک میزائلوں کے ساتھ ٹیوٹر نامی تجارتی جہاز کو نشانہ بنانے والے حملے کی ذمہ داری قبول کی تھی۔

مشرق وسطیٰ میں امریکی سینٹرل ملٹری کمانڈ سینٹ کام نے ہفتے کے روز ایک بیان میں بتایا کہ وربینا جل گیا تھا۔ اس نے مزید کہا کہ "ایرانی فریگیٹ چمران اس جہاز سے آٹھ سمندری میل دور تھا اور ہنگامی امدادی اپیل پر اس نے کوئی جواب نہیں دیا‘۔

ان کا کہنا ہے کہ گذشتہ نومبر سے حوثیوں نے "غزہ کی پٹی میں فلسطینیوں کے ساتھ اظہار یکجہتی کے لیے بحیرہ احمر اور خلیج عدن میں تجارتی بحری جہازوں پر درجنوں حملے کیے ہیں"