ایرانی سفیر نے ایلون مسک سے ملاقات نہیں کی:عباس عراقچی کا ایک بار پھردعویٰ

اقوام متحدہ میں ایران کے مستقل مندوب امیر سعید ایروانی کے ساتھ امریکی صدر ڈونلڈ ٹرمپ کے مشیر امریکی ارب پتی ایلون مسک کی ملاقات کی خبر پھیلنے کے بعد سے ایران میں جاری اندرونی بحث ابھی تک موجود ہے۔

ایران کے وزیر خارجہ عباس عراقچی کو ایک بار پھر اس خبر کی صداقت سے انکار کرتے دیکھا جا سکتا ہے۔ انہوں نے ’ایکس‘ پلیٹ فارم پر ایک ٹویٹ میں کہا کہ ایرانی سفیر نے ایلون سے مسک سے ملاقات نہیں کی۔

انہوں نے کہا کہ ایرانی وزارت خارجہ کی واضح تردید کے باوجود کچھ لوگ اس حوالے سے شکوک وشبہات پیدا کررہے ہیں۔

متعدد اصلاح پسند اور بنیاد پرست اخبارات نے یکساں طور پر وزارت خارجہ کے عہدیدار کی ایلون مسک سے ملاقات سے انکار کرنے میں تاخیر پر تنقید کی۔

پہلا حملہ بنیاد پرست کیہان اخبار کی طرف سے گذشتہ روز کیا گیا، جس کا خیال تھا کہ وزارت خارجہ کی تردید تقریباً 36 گھنٹے کی تاخیر سے ہوئی۔

اخبار نے لکھا کہ "یہ تباہ کن خبر قابل ملامت ہے‘‘۔

نیز تہران میونسپلٹی سے وابستہ ہمشہری اخبار کا خیال ہے کہ اس من گھڑت خبر کا مقصد خطے کی مساوات میں حقائق کو الٹنا ہے۔

قاسم غفوری نے روزنامہ سیاسات کے ایک اداریے میں "نیو ورلڈ آرڈر" اور شنگھائی اور برکس تنظیموں میں اس کی رکنیت میں ایرانی کردار کی اہمیت پر بات کرتے ہوئے کہا: "الزامات جیسے ایرانی اور مسک کے درمیان ملاقات کو نئے آرڈر میں رکاوٹ ڈالنے اور ایران اور روس اور چین کو دھمکی دینے کی کوشش قرار دیا جا سکتا ہے۔

"نفسیاتی جنگ"

اسی اخبار نے ایرانی سیاست دانوں کو خبردار کیا کہ "امریکہ کے ساتھ جعلی مذاکرات کے جال میں پھنسنے سے بچنے کے لیے، اندرونی طور پر دشمنوں کے تعاون سے چھیڑی جانے والی نفسیاتی جنگ پر توجہ دینے کی ضرورت ہے"۔

ایرانی ریڈیو اور ٹیلی ویژن سے وابستہ جام جم اخبار نے لکھا ہے کہ "ایرانی سیاست دانوں کے لیے ضروری ہے کہ وہ ڈونلڈ ٹرمپ جیسی مقبول شخصیت کے مقابلے میں زیادہ بالغ اور معقول ہوں۔ غیر مصدقہ خبروں کا جواب نہ دیں۔ اخبار کا اشارہ نیویارک میں اقوام متحدہ میں ایرانی مندوب کی جانب تھا۔

اصلاح پسند اخبارات اس خبر کی تردید کے باوجود اس پر بھرپور گفتگو کرتے رہے۔ ارمان ایمروز نے لکھا "یہ دیر سے اور غیر متوقع طور پر انکار کئی سوالات کو جنم دیتا ہے اور اگر یہ ملاقات ہوئی ہے تو اب انکار کیوں کیا گیا؟"

’شرق اخبار‘ نے لکھا کہ "وزارت خارجہ کے ترجمان کا ایلون ماسک- ایروانی ملاقات سے انکار ایک وسیع فریم ورک کے اندر بات چیت کا راستہ کھولتا ہے"۔

انہوں نے کہا کہ اگر یہ ملاقات ہوتی ہے تو اس سے تہران اور واشنگٹن کے درمیان کشیدگی کو کم کرنے کا موقع ملے گا۔

شہروند اخبار نے لکھا کہ انکار نے ملاقات کی اہمیت کو کم نہیں کیا۔

نیویارک ٹائمز کے مطابق ملاقات کی خبریں پہلی بار جمعرات 14 نومبر کو شائع ہوئی تھیں۔ ان میں بتایا گیا تھا کہ ایلون مسک اور امیر سعید ایروانی کی ملاقات پیر(11 نومبر کو نیویارک میں ایک گھنٹے سے زیادہ دیر جاری رہی تھی۔

یہ ملاقات اس سے ایک دن پہلے ہوئی تھی جب مسک کو ٹرمپ کی منصوبہ بندی کی "حکومتی کارکردگی" انتظامیہ کے سربراہ کے لیے مقرر کیا گیا تھا۔

تاہم ایرانی وزارت خارجہ نے اس بات کی تردید کی کہ ایسی کوئی ملاقات ہوئی تھی۔ تین دن بعد آنے والی اس تردید کے ساتھ یہ کہا گیا کہ اس طرح کی خبریں افواہیں ہیں جو امریکی میڈیا کی طرف سے ایک مسخ شدہ میڈیا مہم کے تحت اچھالی گئی ہیں۔