ٹرمپ کے ہاتھوں شکست کے بعد کملا ہیرس کے لیے سیاسی آپشن موجود

ڈونلڈ ٹرمپ سے اپنی شکست کا عظیم نقصان اٹھانے کے بعد امریکی نائب صدر کملا ہیرس واشنگٹن ڈی سی واپس آنے سے پہلے ہوائی میں اپنے خاندان اور سینئر معاونین کے ساتھ تھکاوٹ ختم کرتی اور آرام کرتی دکھائی دے رہی تھیں، اس دوران وہ سیاست اور میڈیا کے منظر نامے سے چھپ رہی تھیں۔ لیکن خفیہ طور پر نائب صدر مشیروں اور اتحادیوں کو ہدایت دے رہی تھیں کہ وہ 2028 میں ممکنہ صدارتی انتخاب کے لیے یا دو سالوں میں اپنی آبائی ریاست کیلیفورنیا کے گورنر کے لیے انتخاب کے لیے اپنے اختیارات باقی رکھتی ہیں۔

امریکی ویب سائٹ ’’ پولیٹیکو‘‘ کے مطابق کملا ہیریس نے فون کالز میں دہرایا کہ میں لڑائی میں رہوں گی۔ کملا ہیرس کے اندرونی حلقے کے پانچ افراد کے مطابق موسم سرما کی تعطیلات کے دوران خاندان کے افراد کے ساتھ مشاورت کے بعد توقع ہے کہ کملا ہیرس دیگر ممکنہ راستوں کی تلاش کریں گی۔

کملا ہیرس کی مہم کے ایک سابق معاون نے کہا کہ انہیں یہ فیصلہ کرنے کی ضرورت نہیں ہے کہ آیا وہ اگلے چھ مہینوں میں دوبارہ عہدے کے لیے انتخاب لڑنا چاہتی ہیں۔ ہیرس کے لیے سفر جاری رکھنا، تقریریں کرنا اور اپنے سیاسی رابطے برقرار رکھنا باقی ہے۔ کملا ہیریس اور ان کے مشیر اس بات کا تعین کرنے کے لیے کام کر رہے ہیں کہ وہ ٹرمپ کے خلاف کیسے اور کب بولیں گی۔ وہ اب ڈیموکریٹک پارٹی میں اپنے کردار پر دوبارہ زور دیں گی۔

بائیڈن کے نائب صدر کے طور پر اپنی مدت ختم کرنے کے بعد کملا ہیرس نومبر کے انتخابات، جس میں وہ ٹرمپ سے ہار گئی تھیں، کے سرٹیفیکیشن کی صدارت کریں گی۔ پھر 20 جنوری کو نئے صدر کے حلف کے موقع پر بھی وہ حاضر ہوں گی۔ کملا کے ایک قریبی شخص نے تبصرہ کیا کہ ان کی آواز سننے کی خواہش باقی ہے اور زیادہ دیر تک کوئی خلا نہیں رہے گا۔