عجیب لمحہ: ٹرمپ حلف برداری سے قبل میلانیا کو بوسہ دینے میں ناکام
ٹرمپ نے ہوا میں بوسہ دیا اور ہمیشہ کی طرح صورتحال کو سنبھالتے ہوئے ایسے ظاہر کیا جیسے کچھ ہوا ہی نہیں۔
پیر کو، فوٹوگرافروں کے کیمروں نے واشنگٹن میں حلف برداری کی تقریب کے دوران امریکی صدر ڈونلڈ ٹرمپ اور ان کی اہلیہ میلانیا کے درمیان ایک بے ساختہ لمحے کو دستاویزی شکل دی۔
ٹرمپ کو کچھ شرمناک صورتحال کا سامنا کرنا پڑا، جسے بعض صارفین نےمضحکہ خیز قرار دیا۔ یہ واقعہ اس وقت پیش آیا جب وہ کیپیٹل کی عمارت میں حاضرین کے سامنے اپنی اہلیہ میلانیا کو بوسہ دینا چاہتے تھے۔
ٹرمپ حاضرین کے ایک بڑے ہجوم کے درمیان اپنی اہلیہ کے پاس پہنچے اور اس کے گال پر بوسہ دینے کی کوشش کی، لیکن میلانیا کے سر پر بڑی ٹوپی پہننے کی وجہ سے وہ بوسہ دینے میں ناکام رہے۔
لیکن ٹرمپ نے ہمیشہ کی طرح صورتحال کو سنبھالا اور خود کو شرمندگی کے احساس سے گریز کیا۔ اپنی بیوی کو ہوا میں بوسہ دینے پر مطمئن ہوگئے۔ صارفین نے اسے "ادھورا بوسہ" قرار دیا ۔
اس منظر نے سوشل میڈیا صارفین کی توجہ اپنی جانب مبذول کر لی اور ہال میں موجود لوگوں کے ساتھ ساتھ سوشل میڈیا پر فالوورز میں قہقہے لگ گئے۔
بعد ازاں ڈونلڈ ٹرمپ نے واشنگٹن ڈی سی کی کیپیٹل بلڈنگ میں امریکی صدر کے عہدے کا حلف اٹھایا۔
ٹرمپ نے اپنے عہدے کا حلف ایک شاندار تقریب میں اٹھایا جس میں ان کے اہل خانہ، سابق امریکی صدور اور امریکہ اور بیرون ملک کی اہم شخصیات نے شرکت کی۔
انہوں نے افتتاحی تقریب میں کہا کہ"امریکہ کا سنہری دور اب شروع ہو رہا ہے"۔
ٹرمپ نے اعلان کیا کہ حکومت کو "اعتماد کے بحران" کا سامنا ہے اور کہا کہ ان کی انتظامیہ کے تحت "ہماری خودمختاری بحال کی جائے گی، ہماری سلامتی بحال کی جائے گی اور انصاف کے ترازو کو دوبارہ متوازن کیا جائے گا"۔
