جرمنی کی حکومت کی طرف سے غزہ کے لیے امداد کی ترسیل روکنے کے اسرائیلی اقدام اورغزہ کو بجلی کی سپلائی منقطع کرنے کا فیصلہ فلسطینی سرزمین میں ایک نئے انسانی بحران کو جنم دے گا کیونکہ اس سے غزہ میں خوراک کی قلت بھی پیدا ہو سکتی ہے۔
جرمن وزارت خارجہ کی ترجمان کیتھرین ڈیشاؤر نے ایک پریس کانفرنس کے دوران کہا ' اس امدادی ترسیل کو روکنے سے خوراک کی قلت کا خطرہ ہے۔'
انہوں نے کہا' ہم غزہ کے لیے بجلی کی بندش اور پانی کی سپلائی کو روکنے کے بارے میں بحث کو بڑی تشویش کے ساتھ دیکھتے ہیں۔ اس لیے اس طرح کے تمام اقدامات ناقابل قبول ہیں کیونکہ یہ بین الاقوامی قانون کے تحت اسرائیلی ذمہ داریوں سے بھی متصادم ہیں۔'
جرمنی اسرائیل سے مطالبہ کرتا ہے کہ غزہ میں انسانی بنیادوں پر پہنچائی جانے والی امداد پر لگائی گئی پابندیاں واپس لے۔'
خیال رہے اسرائیل اور حماس کے درمیان جنگ بندی معاہدے پر 19 جنوری سے عمل درآمد جاری ہے۔ تاہم ابھی جنگ بندی کے دوسرے مرحلے کے لیے مذاکراتی عمل آگے بڑھنے کا امکان باقی ہے۔
