جی 7: جنگ بندی نہ ہونے کی صورت میں روس کو مزید پابندیوں کی دھمکی

جی 7 کے رکن ممالک نے روس کو انتباہ کیا ہے کہ روس جنگ بندی کے لیے کوششوں کے جواب میں مثبت ردعمل دیتے ہوئے برابری کی بنیاد پر جنگ بندی پر فورا عمل کرے۔ بصورت دیگر اسے مزید پابندیوں کا سامنا ہوگا۔

گروپ 7 جس میں امریکہ، برطانیہ، کینیڈا ، فرانس ، جرمنی ، اٹلی اور فرانس شامل ہیں نے جمعہ کے روز اس بات پر فوکس کرتے ہوئے کہا ہے کہ سیکیورٹی کے انتظامات جنگ بندی یقینی بنانے کے لیے ضروری ہیں۔ تاکہ روس و یوکرین کے درمیان جنگ بندی ممکن ہوجائے۔

ان ملکوں نے روس سے مطالبہ کیا ہے کہ روس کیف کے ساتھ جنگ بندی پر متفق ہوجائے یا پھر مزید پابندیوں کے لیے تیار رہے۔

انتباہ پر مبنی اس بیان کا حتمی متن 'جی 7' کے حکام نے تیار کیا ہے۔ اس میں کہا گیا ہے کہ جو بھی جنگ بندی ہوگی اس کا احترام کرنا ضروری ہوگا۔ تاکہ پائیدار سیکیورٹی بندوبست ہو سکے اور یوکرین کے دفاع کا تحفظ ہو سکے اور اس کے خلاف نئے سرے سے کوئی جارحیت نہ ہو۔