اسرائیل کی جانب سے فلسطین کی پٹی پر جنگ دوبارہ شروع کرنے کے بعد غزہ میں قید ایک اسرائیلی قیدی کے قتل کی اطلاعات سامنے آئی ہیں۔ ان اطلاعات کے بعد اسرائیل کے اندر غصے کی لہر دوڑ گئی۔ منگل کو اسرائیلی قیدیوں کے اہل خانہ نے جنگ کے خاتمے کا مطالبہ کیا۔ ایک بیان میں اسرائیلی قیدیوں کے اہل خانہ نے اسرائیلی وزیر اعظم نیتن یاہو پر زور دیا کہ وہ ہمارے بچوں کو قتل کرنا بند کریں۔
حماس تحریک کے ایک سرکاری ذریعے نے اعلان کیا ہے کہ فلسطینی ایجنسی ’’معا‘‘ کی طرف سے رپورٹ کیا گیا ہے کہ پرتشدد اسرائیلی حملوں کے نتیجے میں ایک اسرائیلی قیدی ہلاک اور دو دیگر زخمی ہوگئے ہیں۔ اقوام متحدہ نے اسرائیل کی خونریزی کو غیر منصفانہ قرار دیا۔ مقبوضہ فلسطینی علاقوں میں اقوام متحدہ کے انسانی ہمدردی کے رابطہ کار مہند ہادی نے فوری طور پر جنگ بندی کی واپسی کا مطالبہ کیا۔
اسرائیل کی جانب سے جنگ دوبارہ شروع کرنے پر آج منگل کے روز اب تک 413 سے زیادہ فلسطینی جاں بحق ہو چکے ہیں۔ ہلاک شدگان میں زیادہ تر خواتین اور بچے شامل ہیں۔
