اسرائیل اور بھارت نے دو طرفہ سرمایہ کاری کے معاہدے پر دستخط کر دیئے

اسرائیل نے کہا ہے کہ اس نے پیر کو بھارت کے ساتھ ایک معاہدے پر دستخط کیے ہیں جس کا مقصد باہمی سرمایہ کاری کو فروغ اور تحفظ دینا ہے۔

اسرائیل کی وزارتِ خزانہ نے کہا کہ وہ تنظیم برائے اقتصادی تعاون و ترقی (او ای سی ڈی) کا اولین رکن ملک ہے جس نے بھارت کے ساتھ ایسے معاہدے پر دستخط کیے ہیں۔

وزارت نے کہا کہ نئی دہلی میں دونوں ممالک کے وزرائے خزانہ کے دستخط کردہ معاہدے سے اسرائیل اور بھارت کے درمیان تجارت اور سرمایہ کاری کو وسعت دینے میں مدد ملے گی۔

دونوں ممالک کی دو طرفہ تجارت 2024 میں 3.9 بلین ڈالر تھی۔