پرتگالی فٹ بال سپرسٹار کرسٹیانو رونالڈو اور ارب پتی ایلون مسک بھی منگل کو اس پُرتکلف عشائیے کے مہمانوں میں شامل تھے جو امریکی صدر ڈونلڈ ٹرمپ نے سعودی ولی عہد محمد بن سلمان کے اعزاز میں وائٹ ہاؤس میں دیا۔
رونالڈو سعودی کلب النصر کے لیے کھیلتے ہیں اور حالیہ برسوں میں مملکت کی طرف راغب ہونے والے متعدد بین الاقوامی کھلاڑیوں میں سے ایک ہیں۔ چالیس سالہ فٹ بال سٹار جن کا سعودی کلب کے ساتھ معاہدہ اس موسم گرما میں ختم ہو رہا ہے، نے صدر اور سعودی ولی عہد کے داخل ہونے سے چند سیکنڈ قبل ٹرمپ کی میز پر ان کے بالکل قریب اپنی جگہ سنبھال لی۔
ٹرمپ نے عشائیہ سے پہلے اپنی تقریر میں کہا، "آپ جانتے ہیں، میرا بیٹا رونالڈو کا بہت بڑا پرستار ہے" اور یہ کہ ان کے فٹ بال کے دیوانے صاحبزادے انیس سالہ بیرن کو پرتگال کے لیجنڈری کھلاڑی سے ملنے کا موقع ملا۔
صدر نے کہا، "میرا خیال ہے کہ اب وہ اپنے والد کی قدر کرتے ہیں، صرف اس حقیقت کی بنا پر کہ میں نے آپ کا تعارف کروایا ہے۔"
عشائیہ کے مہمانوں میں فٹ بال سے تعلق رکھنے والے صرف رونالڈو نہیں تھے کیونکہ فیفا کے سربراہ Gianni Infantino بھی 2026 ورلڈ کپ سے قبل وائٹ ہاؤس میں دوسری بار موجود تھے۔ اگلے سال کے فٹبال ورلڈ کپ کی میزبانی امریکہ کر رہا ہے۔
رونالڈو نے کہا ہے کہ اگلے سال ہونے والا ورلڈ کپ "یقیناً" ان کا آخری ورلڈ کپ ہو گا جس کے لیے پرتگال نے اتوار کو اپنی جگہ بک کی تھی۔
اس سیاہ لباس والے عشائیے میں سپیس ایکس اور ٹیسلا ٹائیکون مسک بھی موجود تھے جو اس بات کی علامت تھی کہ صدر اور دنیا کے امیر ترین شخص کے درمیان شدید عوامی اختلافات کے بعد تعلقات معمول پر آ گئے ہیں۔
ٹکسیڈو میں ملبوس مسک مومی شمعوں سے روشن میز پر ساتھی مہمانوں سے گفتگو کرتے ہوئے نظر آئے۔
عشائیہ کے دوران ٹرمپ نے محمد بن سلمان کی "مردِ قیادت" کے طور پر تعریف بھی کی۔
