چین نے جمعرات کو امریکہ پر الزام لگایا کہ وہ چین اور بھارت کے تعلقات میں بہتری کو ناکام بنانے کی کوشش میں اپنی دفاعی پالیسی مسخ کر رہا ہے۔
وزارتِ خارجہ کے ترجمان لِن جیان سے ایک پریس بریفنگ میں سوال پوچھا گیا کہ آیا امریکہ اور بھارت کے درمیان تعلقات کو مستحکم ہونے سے روکنے کے لیے چین متنازعہ سرحدی علاقوں پر بھارت سے کشیدگی میں حالیہ کمی کا فائدہ اٹھا سکتا ہے۔ یہ بات انہوں نے اسی کا جواب دیتے ہوئے کہی۔
انہوں نے مزید کہا، چین ہمسایہ ملک بھارت سے اپنے تعلقات کو ایک تزویراتی اور طویل المدتی نکتۂ نظر سے دیکھتا ہے۔ سرحدی مسئلہ چین اور بھارت کا ایک باہمی معاملہ تھا اور "ہمیں اس مسئلے کے بارے میں کسی بھی ملک کے رائے دینے پر اعتراض ہے۔"
پینٹاگون نے منگل کو اپنی ایک رپورٹ میں کہا، چین "غالباً کشیدگی میں کمی کا فائدہ اٹھانا چاہتا ہے تاکہ دوطرفہ تعلقات مستحکم ہوں اور امریکہ-بھارت تعلقات کو مزید مستحکم ہونے سے روکا جائے۔"
