امریکی صدر ڈونلڈ ٹرمپ نے سعودی ولی عہد اور وزیراعظم شہزادہ محمد بن سلمان کو ایک عظیم شخص قرار دیتے ہوئے انہیں ایک شان دار دوست اور ایسا جنگجو قرار دیا ہے جو اپنے ملک کے لیے کبھی نہیں ڈرتا۔ انھوں نے بن سلمان کا شکریہ بھی ادا کیا۔
ٹرمپ نے مزید کہا کہ سعودی عرب کو ولی عہد شہزادہ محمد بن سلمان کی موجودگی پر فخر ہونا چاہیے۔ یہ بات امریکی صدر نے میامی میں فیوچر انویسٹمنٹ انیشیٹو فورم کی ایک کانفرنس کے دوران کہی۔
#ترامب: أريد أن أشكر #ولي_العهد السعودي فهو رجل عظيم https://t.co/e1QPEkCgbz
— العربية السعودية (@AlArabiya_KSA) March 27, 2026
انہوں نے اپنی گفتگو جاری رکھتے ہوئے کہا کہ امریکہ نے سعودی عرب کے ساتھ ایک دفاعی معاہدے پر دستخط کیے ہیں جسے انہوں نے سب سے عظیم قرار دیا۔ اس کے علاوہ اس تزویراتی شراکت داری کی توثیق امریکی صدر ڈونلڈ ٹرمپ کی جانب سے سعودی عرب کو نیٹو سے باہر ایک اہم اتحادی قرار دیے جانے سے ہوتی ہے۔
ترمب: السعودية يجب أن تكون فخورة بالأمير محمد بن سلمان pic.twitter.com/dR6odWYALM
— العربية السعودية (@AlArabiya_KSA) March 27, 2026
مزید برآں میامی میں صدر ٹرمپ کے خطاب میں مشرق وسطیٰ کی جنگ کا تذکرہ بھی کیا گیا، جس میں انہوں نے اس بات پر زور دیا کہ امریکہ اس ایرانی خطرے کو ختم کر دے گا جو خطے میں برسوں سے جاری ہے۔
انہوں نے خلیجی ممالک کے خلاف ایرانی جارحیت کی حقیقت کا ذکر کرتے ہوئے خلیج تعاون کونسل کے ممالک کے قائدین کے کردار کو سراہا اور کہا کہ خلیجی ممالک کے قائدین ہمارے ساتھ مل کر کام کر رہے ہیں، وہ نیٹو اتحاد سے بھی بڑھ کر اتحادی ہیں کیونکہ وہ جائے وقوع کے زیادہ قریب ہیں۔