وائٹ ہاؤس کی ترجمان کیرولائن لیویٹ نے انتہائی جذباتی الفاظ میں اپنی دوسری بیٹی "ویویانا" کی پیدائش کا اعلان کیا ہے۔
لیویٹ نے جمعرات کے روز 'ایکس' پر اپنی بیٹی کے ساتھ ایک تصویر پوسٹ کرتے ہوئے لکھا "یکم مئی کو ویویانا، یا جسے 'ویوی' پکارا جاتا ہے، ہماری فیملی میں شامل ہوئی، جس سے ہمارے دل محبت اور خوشی سے لبریز ہو گئے۔"
On May 1st, Viviana aka “Vivi” joined our family, and our hearts instantly exploded with love. 💕
— Karoline Leavitt (@karolineleavitt) May 7, 2026
She is perfect and healthy, and her big brother is joyfully adjusting to life with his new baby sister. We are enjoying every moment in our blissful newborn bubble.
Thank you to… pic.twitter.com/wM1P1zEGsa
انہوں نے مزید کہا کہ "ویویانا مکمل طور پر صحت مند اور مثالی ہے"، جبکہ ان کا یہ بھی کہنا تھا کہ "بڑا بھائی اپنی چھوٹی بہن کے ساتھ زندگی کے نئے ڈھنگ خوشی خوشی اپنا رہا ہے۔"
واضح رہے کہ لیویٹ نے 24 اپریل کو اپنے دوسرے بچے کی پیدائش کی تیاریوں کے سلسلے میں زچگی کی چھٹی پر جانے کا اعلان کیا تھا۔
یاد رہے کہ لیویٹ کا ایک بیٹا بھی ہے جس کی پیدائش جولائی 2024 میں ہوئی تھی۔ 28 سال کی عمر میں وہ اس انتہائی اہم عہدے پر فائز ہونے والی سب سے کم عمر شخصیت ہیں، وہ نکولس رِچی نامی ایک ریئل اسٹیٹ ڈویلپر کی شریکِ حیات ہیں۔
جولائی 2024 میں اپنے پہلے بچے کی پیدائش کے محض چند روز بعد ہی وہ صدر ڈونلڈ ٹرمپ کی انتخابی مہم میں کام پر واپس آگئی تھیں۔ جولائی 2024 میں ریپبلکن امیدوار پر ہونے والے قاتلانہ حملے کی کوشش نے ان کی واپسی کے عمل کو مزید تیز کر دیا تھا۔
