سعودی عرب کا الخرج کے لیے مختصر وارننگ الرٹ جاری
سعودی پریس ایجنسی نے اطلاع دی کہ حکومت نے پیر کو الخرج گورنری کے لیے ایک مختصر وارننگ جاری کی۔
صبح 5:28 بجے سعودی سول ڈیفنس نے کہا: "الخرج گورنری میں نیشنل ارلی وارننگ پلیٹ فارم کی جانب سے خطرے کی وارننگ جاری کی گئی ہے۔"
حکام نے عوام پر زور دیا کہ وہ محفوظ مقامات پر پناہ لینے سمیت دیگر سرکاری ہدایات پر عمل کری تاہم چند منٹ بعد وارننگ ہٹا دی گئی۔
ایران اور اسرائیل کے درمیان فائرنگ کے تبادلے سے اتوار کو کشیدگی میں ڈرامائی اضافے کے باعث ایک نازک جنگ بندی کو خطرہ لاحق ہو گیا جس کے بعد یہ نوٹس سامنے آیا۔
تل ابیب کی جانب سے بیروت کے جنوبی مضافاتی علاقوں پر مسلسل بمباری کے بعد ایران نے اسرائیل پر میزائل داغے۔ اسرائیل نے بھی پیر کے روز علی الصبح کئی ایرانی شہروں بشمول دارالحکومت تہران کو نشانہ بنا کر جوابی حملہ کیا۔
سعودی عرب نے مارچ کا بیشتر حصہ ایرانی ڈرونز اور میزائلوں کو تقریباً روزانہ حملوں میں مار گرانے میں صرف کیا۔
مملکت اور دیگر خلیجی عرب ممالک نے مارچ میں شرقِ اوسط پر حملوں کی مذمت کرتے ہوئے انہیں "غیر ذمہ دارانہ اور عدم استحکام کا باعث" قرار دیا۔
