امریکی ریاست الاباما نے جمعہ کے روز ایک شخص کو مہلک انجکشن کے ذریعے سزائے موت دینے کی کارروائی شروع کر دی، یہ اقدام اس وقت سامنے آیا جب چند گھنٹے قبل ایک عدالت نے اس کی نائٹروجن گیس کے ذریعے سزائے موت پر عمل درآمد روک دیا تھا۔
الاباما کے اٹارنی جنرل کے دفتر نے ریاست کی سپریم کورٹ سے درخواست کی ہے کہ وہ جفری لی کے خلاف سزائے موت کے وارنٹ جاری کرنے کی اجازت دے، تاکہ اس بار اسے مہلک انجکشن کے ذریعے سزائے موت دی جا سکے۔
ریاست کے وکلاء نے اپنے مؤقف میں لکھا:مختصر یہ کہ الاباما کی جیل انتظامیہ کو جفری لی کو سزائے موت دینے سے نہیں روکا گیا، بلکہ صرف اسے نائٹروجن گیس کے ذریعے آکسیجن سے محروم کر کے سزائے موت دینے سے روکا گیا ہے۔
جفری لی کی قانونی ٹیم کے ترجمان نے کہا کہ اس کارروائی پر ان کے پاس فوری طور پر کوئی تبصرہ نہیں ہے۔یہ درخواست اس وقت سامنے آئی جب الاباما کے اٹارنی جنرل اسٹیو مارشل نے چند گھنٹے قبل اس عزم کا اظہار کیا تھا کہ وہ جفری لی کے خلاف سنائی گئی سزائے موت پر عمل درآمد کے لیے اپنی کوششیں جاری رکھیں گے۔
