جسٹن ٹروڈو کی کیٹی پیری کے ساتھ رقص کی ویڈیو وائرل

جس وقت مداحوں کو یہ گمان تھا کہ انہوں نے کیٹی پیری اور جسٹن ٹروڈو کی ہر ادا دیکھ لی ہے، کینیڈا کے سابق وزیراعظم نے کیٹی پیری کے ٹک ٹاک اکاؤنٹ پر نمودار ہو کر سب کو حیران کر دیا۔

کینیڈا کے سابق وزیراعظم جسٹن ٹروڈو نے اپنی محبوبہ کیٹی پیری کے گانے واچ اٹ برن کی دھن پر اپنے رقص کی مہارت کا مظاہرہ کیا۔

ٹروڈو اس وقت کیٹی پیری کے یورپی دورے کے دوران ان کے ساتھ مختلف مقامات پر موجود ہیں۔

کیٹی پیری نے جمعہ 10 جولائی سنہ 2026ء کو اپنے مداحوں کو حیران کرتے ہوئے جرمنی کے شہر شٹوٹگارٹ میں بنائی گئی ایک پرلطف ویڈیو پوسٹ کی، جہاں وہ اپنے یورپی دورے کے سلسلے میں کنسرٹس میں مصروف ہیں۔

پاپ اسٹار نے ٹک ٹاک پر اپنی تازہ ترین ویڈیو کے ساتھ کیپشن میں لکھا کہ قدیم تحریریں کہتی ہیں کہ اس گانے کی دھن پر رقص کرنا ایک ہزار سال کی خوش قسمتی لاتا ہے۔ ویڈیو کلپ میں کیٹی پیری اور ان کے بینڈ کے ارکان کو ان کے نئے گانے واچ اٹ برن پر رقص کرتے ہوئے دکھایا گیا ہے جس کے بعد اچانک ایک غیر متوقع چہرہ سامنے آتا ہے، جو ان کے محبوب اور تجربہ کار سیاستدان جسٹن ٹروڈو کا ہے۔

ٹروڈو کی یہ ویڈیو میں آمد صرف چند سیکنڈز تک محدود ہے لیکن یہ سوشل میڈیا پر ہنگامہ برپا کرنے کے لیے کافی تھی۔ پاپ اسٹار کے ساتھی نے آرام دہ لباس میں جوش و خروش کے ساتھ ان کے رقص میں شمولیت اختیار کی اور کچھ مزاحیہ سٹیپس بھی کیے۔