جیش الحر کے آرمی چیف کا حلب میں اگلے مورچوں کا دورہ

شام میں صدر بشار الاسد کے خلاف برسر جنگ باغیوں کی نمائندہ فوج "جیش الحر" کے سربراہ جنرل عبدالالہ البشیر نے حلب میں اگلے مورچوں کا دورہ کیا اور محاذ جنگ پر موجود فوجی افسروں اور جوانوں سے ملاقات کی۔

جنرل البشیر نے حلب کے محاذ جنگ کی کمان کرنے والے کرنل عبدالسلام حمیدی اور دیگر کے ہمراہ الراشدین کالونی میں افطار ڈنر میں بھی شرکت کی۔ اس موقع پر کرنل عبدالسلام نے انہیں جنگ میں ہونے والی پیش رفت کے بارے میں تفصیلی بریفنگ بھی دی۔

خیال رہے کہ جیش الحر کے سربراہ نے حلب کا یہ دورہ ایک ایسے وقت میں کیا جب دوسری جانب سرکاری فوج نے دعویٰ کیا ہے کہ حلب میں اہم ترین صنعتی علاقے الشیخ نجار اور دیگر مقامات سے باغیوں کو نکال دیا گیا ہے۔ اسد نواز فورسز کا دعویٰ ہے کہ حلب میں باغیوں کو مطلوبہ دفاعی کمک نہیں مل سکی جس کے باعث حلب کے علاوہ ادب میں وادی الضیف اور الحامدیہ کے محاذوں سے بھی بے دخل کر دیا گیا ہے۔