.

امارات سے دو قطری شہری جذبہ خیر سگالی کے طور پر رہا

پہلی اشاعت: آخری اپ ڈیٹ:

متحدہ عرب امارات کے صدر الشیخ خلیفہ بن زاید آل نھیان نے خلیجی ریاست قطر کے ساتھ جذبہ خیر سگالی کے فروغ کے لیے دو سزا یافتہ قطری باشندوں کو رہا کر دیا ہے۔

متحدہ عرب امارات کی سرکاری خبر رساں ایجنسی "وام" کے مطابق سزا یافتہ قطری شہریوں کی رہائی ابوظہبی اور دوحہ کے درمیان جذبہ خیر سگالی کے فروغ اور دونوں برادر ملکوں کے درمیان تعلقات کو مزید بہتر بنانے کی خاطر عمل میں لائی گئی ہے۔

اس اقدام سے دونوں ملکوں کے درمیان گلے شکوے کم کرنے میں مدد ملے گی اور دونوں ریاستوں کی قیادت کو ایک دوسرے پر مزید اعتماد کے اظہار کا موقع ملے گا۔