شام : حُماہ پر شدید فضائی بم باری ، 17 افراد جاں بحق

شام کے صوبے حُماہ میں مختلف علاقوں کو شدید فضائی بم باری کا نشانہ بنایا گیا۔ بم باری ان علاقوں میں کی گئی جن کا کنٹرول گزشہ چند روز کے دوران اپوزیشن گروپوں کے جنگجوؤں نے شامی حکومت کی فوج سے لیا تھا۔

شامی سرکاری فوج نے جمعرات کے روز اپنے لیے تزویراتی اہمیت کے حامل علاقے میں مخالف حملہ کیا۔

انسانی حقوق کی شامی رصدگاہ کے مطابق بدھ اور جمعرات کی درمیانی شب ہونے والے فضائی حملوں میں کم از کم 17 افراد جاں بحق ہوئے۔

ادھر شامی سرکاری ٹیلی وژن نے اقرار کیا ہے کہ فضائیہ نے علاقے پر "شدید پروازیں" کیں۔