یمن: تعزکے اہم فوجی اڈے پرسرکاری فوج کا کنٹرول،30 باغی ہلاک

یمن کی سرکاری فوج اور اس کی معاون ملیشیا نے شورش زدہ شہر تعز کے شمال مغرب میں واقع اہم فوجی اڈا حوثی باغیوں سے چھین لیا ہے۔ تازہ لڑائی کے دوران تیس باغی جنگجوؤں کی ہلاکت کی بھی اطلاعات آئی ہیں۔

العربیہ ٹی وی کے مطابق تعز شہر میں محاذ جنگ سے ملنے والی خبروں میں بتایا گیا ہے کہ گھمسان کی لڑائی کے بعد سرکاری فوج نے تعز کے شمال مغرب میں واقع فوجی اڈے کا کنٹرول سنبھال لیا ہے۔ عینی شاہدین کا کہنا ہے کہ تعز میں فوج کے ساتھ مقابلے میں شکست کے بعد باغی وہاں سے فرار ہونے کی کوشش کررہے ہیں۔

ذرائع کے مطابق یمنی فوج اور باغیوں کے درمیان لڑائی کے دوران 9 جنگجو ہلاک ہوئے ہیں جب کہ عرب اتحادی فوج کی بمباری کے نتیجے حجۃ کے مقام پر حوثی باغیوں اور مںحرف علی صالح کے 30 جنگجو ہلاک ہوگئے ہیں۔

تعز میں گذشتہ روز حوثی باغیوں کی جانب سے شہری آبادی پر توپخانے سے اندھا ھند گولہ باری کی گئی۔ سرکاری فوج نے مغربی مآرب میں صرواح کے مقام پر حوثیوں کے دو حملے پسپا کردیے۔