.

موصل : شہر سے باہر نکلنے کا آخری مرکزی راستہ بھی منقطع

پہلی اشاعت: آخری اپ ڈیٹ:

عراق میں ایک فوجی کمانڈر نے اس امر کی تصدیق کی ہے کہ عراقی فوج نے داعش تنظیم کے گڑھ موصل سے باہر نکلنے کے آخری مرکزی راستے کو بھی منقطع کر دیا ہے اور شمال مغرب سے شہر پہنچنے کے راستوں کا کنٹرول حاصل کر لیا ہے۔

عراقی فوج کے نائنتھ آرمرڈ بریگیڈ کے میجر جنرل نے بتایا ہے کہ اُن کا بریگیڈ شمال مغربی سمت سے موصل میں داخل ہونے والے مرکزی راستے "بوابۃ الشام" سے محض ایک کلو میٹر کی دوری پر ہے۔

موصل شہر میں مقامی آبادی کا کہنا ہے کہ وہ کل منگل کے روز سے "بوابۃ الشام" کے نزدیک ہائی وے پر آمد و رفت میں کامیاب نہیں ہو سکے۔

یہ راستہ موصل کو تلعفر کے ساتھ ملاتا ہے جو شام کی سرحد کی سِمت 60 کلومیٹر مغرب میں داعش کا آخری گڑھ ہے۔