بغداد میں نیا ایرانی سفیر۔۔۔ جنرل سلیمانی کا مشیر

عراقی حکومت نے ایرانی سفیر حسن دانائی فر کی سبکدوشی کے بعد ان کی جگہ ایرج مسجد کی تعیناتی کا فیصلہ قبول کرتے ہوئے انہیں بغداد میں تہران کا سفیر مقرر کرنے کا فیصلہ کیا ہے۔

العربیہ ڈاٹ نیٹ کے مطابق عراقی حکومت کے ایک ذمہ دار ذریعے کا کہنا ہے کہ دانائی فر کی جگہ بغداد میں ایران کا نیا سفیر ایرانی پاسداران انقلاب کی بیرون ملک سرگرم تنظیم ’القدس ملیشیا‘ کے سربراہ جنرل قاسم سلیمانی کا مشیر خاص اور ایران کا سابق فوجی افسر رہ چکا ہے۔

ذرائع نے العربیہ ڈاٹ نیٹ کو بتایا کہ بغداد حکومت نے اپنے ہاں ایران کے نو منتخب سفیر بریگیڈیئر ایرج مسجدی کو بہ طور سفیر تعیناتی قبول کرلی ہے۔

بریگیڈیئر مسجدی جنوبی ایران کے آبادان شہر سے تعلق رکھتے ہیں اور ان کی وجہ شہرت فیلق القدس کے سربراہ جنرل قاسم سلیمانی کے ایک عسکری مشیر کےطور پر بتائی جاتی ہے۔

خیال رہے کہ ایرانی خبر رساں اداروں کی طرف سے آنے والی اطلاعات میں بتایا گیا تھا کہ ایک سابق فوجی جنرل کو عراق میں حسن دانائی فر کی جگہ نیا سفیر مقرر کیا گیا ہے۔