’شام کے مستقبل میں ایران اور بشارالاسد کا کوئی کردار نہیں‘

اقوام متحدہ میں امریکا کی سفیر نیکی ہالے نے ’العربیہ‘ سے بات کرتے ہوئے کہا ہے کہ شام کے مستقبل میں صدر بشار الاسد اور ایران کا کوئی کردارنہیں ہے۔

ان کا کہنا ہے کہ امریکا شام میں قیام امن کے لیے موثرکوششیں کرنے والا ملک ہے اور ہم بشار الاسد کے بغیر شام کو زیادہ مستحکم اور مضبوط دیکھنا چاہتے ہیں۔

العربیہ چینل سے بات کرتے ہوئے امریکی سفیرہ نے کہا کہ ہم شام میں داعش کی شکست کے بعد کے حالات کی منصوبہ بندی کررہے ہیں۔ ما بعد داعش شام میں ایران کا کوئی ذمہ دارانہ کردار نہیں ہوگا۔ ایران ہمیشہ دوسروں کو ایذا دینے کا سبب بنا ہے جب کہ امریکا شامی بحران کے حل کا ایک موثرشریک کار ہے۔ ہم شام کو ایک مستحکم اور مضبوط ملک دیکھنا چاہتے ہیں جس میں بشارالاسد اور ایران کا کوئی کردار نہیں ہونا چاہیے۔