داعش تنظیم شام عراق سرحد پر اپنے انجام کو پہنچے گی : بین الاقوامی اتحاد

امریکا کے زیر قیادت بین الاقوامی اتحاد نے اعلان کیا ہے کہ داعش تنظیم کے خلاف فیصلہ کن معرکہ عراق شام سرحد پر ہو گا۔ اتحاد کے مطابق تنظیم کے تقریبا 2000 جنگجو اب بھی مذکورہ علاقوں میں موجود ہیں۔

اتحاد کی جانب سے جاری بیان میں کہا گیا ہے کہ اب حقیقی معرکہ داعش تنظیم کے اُن غیر فعّال گروہوں کے خلاف لڑائی ہے جو عراق میں کئی ماہ پہلے واپس لے لیے جانے والے علاقوں میں ابھی تک اچانک حملے کر رہے ہیں۔

بین الاقوامی اتحاد کا یہ اعلان شمالی عراق کے علاقے الحویجہ سے داعش تنظیم کے عناصر کو عراقی فورسز کے ہاتھوں نکالے جانے کے بعد سامنے آیا ہے۔