.

اردن، مصر کا فلسطینیوں کے حق خود ارادایت کی حمایت جاری رکھنے کا عزم

صدر السیسی اور شاہ عبداللہ کے درمیان ٹیلیفون پر بات چیت

پہلی اشاعت: آخری اپ ڈیٹ:

مصری صدر عبدالفتاح السیسی اور اردنی فرمانروا شاہ عبداللہ دوم نے آزاد فلسطینی ریاست کی حمایت جاری رکھنے کے عزم کا اعادہ کیا ہے۔

العربیہ ڈاٹ نیٹ کے مطابق مصری ایوان صدر کے ترجمان نے بتایا کہ صدر السیسی اور اردنی فرمانروا شاہ عبداللہ دوم کے درمیان ٹیلفیون پر بات چیت ہوئی۔ دونوں رہ نماؤں نے فلسطین کی تازہ ترین صورت حال بالخصوص امریکی صدر ڈونلڈ ٹرمپ کی جانب سے القدس کو صہیونی ریاست کا دارالحکومت تسلیم کیے جانے کےبعد پیدا ہونے والی صورت حال پرتبادلہ خیال کیا۔

ترجمان نے بتایا کہ دونوں رہ نماؤں نے فلسطینی قوم کے دیرینہ حقوق کی حمایت جاری رکھنے، آزاد فلسطینی ریاست اور مشرقی بیت المقدس کو فلسطین کا دارالحکومت بنائے جانے کی حمایت جاری رکھنے سے اتفاق کیا ہے۔