سعودی عرب:زیرحراست 9 ملزمان کا دشمن تنظیموں سے رابطوں کا اعتراف

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کے پبلک پراسیکیوشن کی طرف سے جاری کردہ ایک بیان میں بتایا گیا ہے کہ دشمن گروپوں سے تعلق کے الزام میں گرفتار 17 مشتبہ افراد میں سے 8 کو چھان بین کے بعد رہا کردیا گیا ہے جب کہ 9 ملزمان نے دشمن تنظیموں سے رابطوں کا اعتراف کیا ہے۔

العربیہ ڈاٹ نیٹ کے مطابق سعودی پراسیکیوشن دفتر سے جاری ایک بیان میں کا گیا ہے کہ سعودی عرب کی سلامتی کو داؤ پر لگانے کے شبے میں گرفتار ڈیڑھ درجن افراد میں سے آٹھ کو پوچھ گچھ کے بعد چھوڑ دیا گیاجب کہ نو ملزمان نے تفتیش کے دوران دشمن عناصر کے ساتھ رابطوں کا اعتراف کیا ہے۔

بیان میں کہا گیاہے کہ گرفتار ملزمان نے دشمن عناصر اور سعودی عرب مخالف تنظیموں کےساتھ رابطوں کا اعتراف کیا۔

انہوں نے حکومتی اداروں کے افراد کو اپنی صفوں میں بھرتی کرنے اور ملکی مفاد کو نقصان پہنچانے کے لیے حساس معلومات تک رسائی کی کوشش کی۔ اس کے علاوہ بیرون ملک سعودی عرب کے خلاف کام کرنے والے گروپوں کو مالی مدد فراہم کی گئی۔

پولیس نے شبے میں 17 افراد کو چند روز قبل حراست میں لیا تھا۔ ان میں سے 8 ملزمان کو رہا کردیا گیا ہے۔ رہائی پانے والوں میں پانچ خواتین اور تین مرد شامل ہیں۔ دیگر نو ملزمان میں پانچ مرد اور چار خواتین ہیں اور ان کے خلاف قانونی کارروائی کے لیے ٹھوس شواہد موجود ہیں۔

مقبول خبریں اہم خبریں

مقبول خبریں