غزہ: فلسطینی مظاہرین پر اسرائیلی فوج کی فائرنگ، دو فلسطینی شہید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

فلسطین کے علاقےغزہ کی پٹی میں قابض اسرائیلی فوج کی فائرنگ کے نتیجے میں سرحد پر احتجاج کرنے والے دو فلسطینی شہید ہوگئے۔

فلسطینیی وزارت صحت کے ترجمان اشرف القدرہ نے ایک بیان میں بتایا کی غزہ کی سرحد پر جمعہ کو احتجاج کرنےوالے فلسطینیوں کو اسرائیلی فوج نے گولیاں چلائیں، جس کےنتیجے میں 24 سالہ محمود اکرم محمد ابو سمعان سرمیں لگنےسے شہید ہوگیا۔ یہ واقعہ مشرقی غزہ میں پیش آیا۔

ترجمان نے 'اے ایف پی' کو بتایا کہ سمان کےپیٹ اور سینے میں بھی گولیاں لگیں جو اس کے لیے جان لیوا ثابت ہوئیں۔

ایک دوسری کارروائی میں جمعہ کو 14 سالہ حافظ فارس السرساوی سینے میں گولی لگنےسے شہید ہوگیا۔ قابض فوج کی جمعہ کے روز مشرقی غزہ کی سرحد پر جمع ہونے والے مظاہرین پر فائرنگ سے 142 افراد زخمی ہوئے۔

مقبول خبریں اہم خبریں

مقبول خبریں