سلطان ہیثم بن طارق آل سعید نے آج ہفتے کے روز سلطنتِ عُمان کے نئے حکمراں کے طور پر حلف اٹھا لیا۔ عُمان کی سلطنت پر نصف صدی کے قریب حکمرانی کرنے والے سلطان قابوس جمعے کی شب انتقال کر گئے تھے۔
سلطان ہیثم بن طارق عمان کے مرحوم حکمراں قابوس کے چچا کے بیٹے ہیں۔ وہ 1954 میں پیدا ہوئے۔
ہیثم نے 2002 سے ثقافت قومی ورثے کے وزیر کا منصب سنبھالا ہوا ہے۔ اسی طرح وہ وزارت خارجہ میں بھی کئی عہدوں پر فائز رہے۔
ہیثم بن طارق سلطنت عمان کے ویژن 2040 پروگرام کی مرکزی کمیٹی کے سربراہ ہیں۔
انہوں نے 1983 سے 1986 تک عُمان فٹبال فیڈریشن کے صدر کے عہدے پر کام کیا۔ اس کے علاوہ وہ 2010 میں مسقط میں ہونے والے دوسرے ساحلی اولمپک کھیلوں کی انتظامی کمیٹی کے سربراہ بھی رہے۔
عمان کے نئے سلطان معذور بچوں کی سرپرستی کی سوسائٹی اور السیب اسپورٹس کلب کے اعزازی صدر بھی ہیں۔
عُمان کے رحلت پانے والے سلطان قابوس کی کوئی اولاد نہ تھی۔ البتہ نئے سلطان ہیثم بن طارق دو بیٹوں اور دو بیٹیوں کے باپ ہیں۔
عمان کے اخبار الرؤيۃ کے مطابق نئے سلطان کے بیٹوں کے نام ذی يزن اور بلعرب جب کہ بیٹیوں کے نام ثریا اور امیمہ ہیں۔ سلطان کی اہلیہ عہد بنت عبدالله بن حمد البوسعيديۃ اور والدہ شوانہ بنت حمود بن احمد البوسعيديۃ ہیں۔
-
عُمان میں اپنے برادران کے غم میں شریک ہیں: سعودی فرماں روا اور ولی عہد
خادم حرمین شریفین شاہ سلمان بن عبدالعزیز اور سعودی ولی عہد شہزادہ محمد بن سلمان نے ہفتے کے روز عُمان کے سلطان قابوس بن سعید کی وفات پر تعزیت کا اظہار ... مشرق وسطی -
ہیثم بن طارق آل سعيد عُمان کے نئے سلطان مقرر
سلطنتِ عُمان میں ہیثم بن طارق بن تیمور آل سعید نے ہفتے کی صبُح پارلیمنٹ کے ایک ہنگامی اجلاس میں ریاست کے نئے سلطان کی حیثیت سے حلف اٹھا لیا۔عُمان کے ... مشرق وسطی -
سلطان قابوس کی وفات کے بعد سلطنت عمان کا حکمراں کون ہو گا؟
سلطنت عمان کے مرحوم سلطان قابوس بن سعید نے وفات سے قبل اپنے جاں نشیں کا اعلان نہیں کیا۔ اس حوالے سے ایک خفیہ وصیت کا ذکر کیا جا رہا ہے جس میں ... مشرق وسطی
