لیبیا کے وطیہ فوجی اڈے پر بمباری، ترک دفاعی نظام تباہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size

لیبیا کے عسکری ذرائع نے بتایا ہے کہ الوطیہ فوجی ڈے پر ہفتے اور اتوار کی درمیانی شب ہونے والی شدید بمباری کے نتیجے میں ترکی کا ایئر ڈیفنس سسٹم تباہ ہو گیا ہے۔

لیبیا کی نیشنل آرمی کے ذرائع نے بتایا کہ الوطیہ فوجی اڈے پر آپریشن کامیاب رہا اور کارروائی کرنے والے طیارے بہ حفاظت اپنے ٹھکانے پر واپس آ گئے۔

ذرائع نے بتایا کہ بمباری کے دوران 9 فضائی حملے کیے گئے جن میں ترکی کے ایک ایئر ڈیفنس سسٹم کو نشانہ بنایا گیا۔ یہ ڈیفنس سسٹم حال ہی میں اس فوجی اڈے پر قائم کیا گیا تھا۔

ذرائع کے مطابق الوطیہ فوجی اڈے پر ہاک نامی ترک دفاعی نظام اور تین راڈر مکمل طور پر تباہ ہوگئے۔

خیال رہے کہ نیشنل آرمی کی طرف سے جنگی حکمت عملی کے تحت چند ہفتے پیشتر الوطیہ فوجی اڈے کو خالی کردیا گیا تھا جس کے بعد اسے لیبیا کی ترک نواز حکومت قومی وفاق کی وفادار ملیشیا نے قبضے میں لے لیا ہے۔

مقبول خبریں اہم خبریں