بغداد کے بین الاقوامی ہوائی اڈے پر راکٹ حملے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عراق کی فوج کے مطابق کل جمعرات کی شام بغداد کے بین الاقوامی ہوائی اڈے پر نامعلوم افراد نے متعدد راکٹ حملے کیے جس کے نتیجے میں‌ ہوائی اڈے کو نقصان پہنچا ہے۔

العربیہ ڈاٹ‌ نیٹ کے مطابق نامعلوم مسلح افراد نے بغداد کے بین الاقوامی ہوائی اڈے پر کم سے کم تین کاتیوشا راکٹ داغے۔

عراق فوج کے میڈیا سیل کے مطابق بغداد کے بین الاقوامی ہوائی اڈے پر گذشتہ شام تین راکٹ گرے۔ راکٹ حملے کے نتیجے میں متعدد گاڑیوں اور عمارتوں کو نقصان پہنچا ہے۔ یہ راکٹ جنوب مغربی علاقے ابو غریب میں الزیتون کے مقام سے داغے گئے۔

قبل ازیں اتوار کے روز بھی بغداد کے بین الاقوامی ہوائی اڈے کو راکٹوں سے نشانہ بنایا گیا جس کے نتیجے میں چار گاڑیوں کو نقصان پہنچا تھا۔

خیال رہے کہ عراق میں نامعلوم مسلح کی جانب سے بغداد کے بین الاقوامی ہوائی اڈے کو کئی بار راکٹ حملوں کا نشانہ بنایا جا چکا ہے۔

مقبول خبریں اہم خبریں

مقبول خبریں