سعودی عرب : ینبع، املج، الوجہ اور ضباء کے لیے ترقیاتی اتھارٹی کے قیام کا شاہی فرمان

سعودی عرب کے فرماں روا شاہ سلمان بن عبدالعزيز نے ملکت میں ینبع ، املج ، الوجہ اور ضباء کے علاقوں کی ترقی کے واسطے ایک اتھارٹی بنانے کا فرمان جاری کیا ہے۔ اس اتھارٹی کا مینجمنٹ بورڈ کابینہ کے نائب سربراہ کی صدارت میں کام کرے گا اور اس کے ارکان کا تقرر کابینہ کے سربراہ کے حکم سے عمل میں آئے گا۔

شاہی فرمان کے مطابق سابقہ تشکیل دی گئی کمیٹی بھی اب نئی اتھارٹی کے ما تحت ہو گی۔ یہ اتھارٹی ینبع ، املج ، الوجہ اور ضباء میں ترقیاتی کاموں کی نگراں ہو گی۔

اسی طرح کابینہ میں ماہرین کا کمیشن متعلقہ اداروں کے ساتھ رابطہ کاری کے ذریعے شاہی فرمان کے اجرا کے تین ماہ کے اندر مطلوبہ تنظیمی امور کے انتظامات مکمل کرے گا۔ یہ بات سعودی روزنامے 'الاقتصادیہ' نے بتائی۔

ینبع ، املج ، الوجہ اور ضباء سے متعلق ترقیاتی اتھارٹی کے قیام کے سلسلے میں ولی عہد شہزادہ محمد بن سلمان کی مملکت کے مختلف صوبوں اور اضلاع میں ترقی کے حوالے سے دل چسپی شامل ہے۔

اس اتھارٹی کے قیام سے مملکت کے پروگرام ویژن 2030 کے اہداف کو یقینی بنانے اور مملکت میں عالمی مسابقت کے حامل سیاحتی مقامات کو اجاگر کرنا ہے۔