حرم مکی کی لائبری میں فی گھنٹہ 30 فوسل کتابوں کی ڈی کوڈنگ

حرم مکی شریف کی لائبریری میں بحالی اور جلد سازی کے شعبے کی جانب سےجاری ایک بیان میں کہا گیا ہے کہ ادارہ 30 فوسل شدہ کتابوں کو فی گھنٹہ اسٹیم کے طریقے سے کھولا جا رہا ہے۔

اسسٹنٹ انڈرسکریٹری برائے لائبریریز اموراورسائنسی تحقیق کے ڈائریکٹر جنرل عبداللہ الصولی نے وضاحت کی کہ لائبریری نےاسٹیم کے عمل سے کتابوں، مخطوطات، نایاب اور فوسلائزڈ کتابوں کے صفحات کوڈی کوڈ کرنے کے لیے مختص ڈیوائس پر کام شروع کیا ہے۔

انہوں نے مزید کہا کہ یہ ڈیوائس جسے لائبریری میں بحالی اور بائنڈنگ کے محکمے کے عملے نے تیار کیا ہے یہ ایک ایسا آلہ ہے جو اسٹیم ٹیکنالوجی کے ساتھ کام کرتا ہے جس کا مقصد کتابوں، مخطوطات، مختلف دستاویزات، نادر اور پرانے کاغذات ، فوسلائزڈ کتابوں اور صفحات کو ڈی کوڈ کرنا ہے۔ چونکہ ڈیوائس نے محکمہ بحالی اور بائنڈنگ کی پیداواری صلاحیت کو ایک کتاب فی گھنٹہ سے بڑھا کر 30 کتابوں تک پہنچا دیا۔

انہوں نے مزید کہا کہ یہ اقدام ان کاغذات کے مسئلے کو حل کرنے کے لیے کیا گیا ہے جن کو بغیر کسی نقصان کے ایک دوسرے سے الگ کرنا مشکل ہے۔

یہ بات قابل ذکر ہے کہ حرم مکی مسجد کی لائبریری اسلامی کتابوں، امہات کتب، نایاب مخطوطات کا ایک بڑا ذخیرہ رکھتی ہے۔ اس میں قانونی علوم، فقہ، لسانیات، سائنسی علوم اور ان گنت دیگر موضوعات کتب کا وسیع ذخیرہ ہے۔ یوں یہ لائبریری دنیا بھر کے تشنگان علم کے لیے تصنیف وتحقیق کا ایک بڑا مرکز ہے۔