سعودی عرب میں صحرائی جہاز کا گھر کے اندر مٹر گشت: ویڈیو

گھر میں اونٹ کا بچہ رکھنے پر شہریوں کی طرف سے ملا جلا ردعمل

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں سوشل میڈٰیا پر پوسٹ ہونے والی ایک ویڈیوعوامی توجہ مرکز بنی ہوئی ہے۔ اس ویڈیو میں دیکھا جا سکتا ہے کہ اونٹ کا ایک بچہ ایک گھر کے اندرموجود ہے اور بے خوف گھر میں فرنیچر کے درمیان گھوم پھر رہا ہے۔

یہ ویڈیو کلپ سعودی عرب میں کیمل کلب نے اپنے آفیشل ٹویٹر اکاؤنٹ پر نشر کیا ہے۔ ویڈیو کلپ میں دکھایا گیا ہے کہ ایک چھوٹا اونٹ سعودی عرب میں ایک گھر کےاندر گھوم رہا ہے۔

تفصیلات سے پتا چلا ہے کہ یہ اونٹ ایک لڑکی کی ملکیت ہے جس نے اسے اپنے گھر میں پالنے کا فیصلہ کیا۔ لڑکی کو اونٹ سے محبت ہے اور وہ اس کی بہت خوب دیکھ بھال کرتی ہے۔

سماجی رابطوں کی ویب سائٹس پر بہت سے لوگوں کی تعریف کے باوجود بعض صارفین نے اونٹ کو گھر کےاندر رکھنے پر ناراضی کا اظہار کیا۔

بعض صارفین نے کہا کہ اگرہم گھر میں بلیاں اور کتے رکھ سکتے ہیں تو اونٹ رکھنے میں بھی کوئی مضایقہ نہیں ہونا چاہیے۔ بعض شہریوں کا کہنا ہے کہ اونٹ صحرائی جہاز ہے اور اسے سیمنٹ کی دیواروں کے اندر قید کرنا اچھا نہیں۔ اسے اس کے ماحول کے مطابق کھلے میدان میں ہونا چاہیے۔

انہوں نے زور دیا کہ اونٹ کو صحرا کی فضا اور وہاں کےقدرتی ماحول میں واپس کیا جائے۔

مقبول خبریں اہم خبریں

مقبول خبریں