13 لاکھ سے زیادہ افراد نماز ادا کرنے قدیم مسجد نبوی اور روضہ رسول میں آچکے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

مسجد نبویﷺ کے امور کا انتظام کرنے والی ایجنسی نے رمضان المبارک میں زائرین کی بڑھتی تعداد کے پیش نظر اپنے کام کو تیز کر دیا ہے۔ سکیورٹی، صحت، ابمبولیٹری اور رضاکارانہ ایجنسیوں کے ساتھ مل کر رسول اللہ صلی اللہ علیہ وسلم کی مسجد میں آنے والے نمازیوں اور زائرین کو زیادہ سے زیادہ سہولت فراہم کی جا رہی ہے۔

"صدارت عامہ" نے بتایا کہ ماہ رمضان کے پہلے نصف میں ایک کروڑ 57 لاکھ سے زیادہ مرد و خواتین کو مسجد نبوی میں خدمات فراہم کی گئی ہیں۔ رمضان المبارک کے پہلے پندرہ دنوں میں قدیم مسجد نبوی اور ریاض الجنہ میں 13 لاکھ افراد نماز ادا کرنے کے لیے داخل ہوئے۔

مسجد نبوی کی انتظامیہ نے بتایا کہ ان پندرہ دنوں میں زم زم کے پانی کی 10 لاکھ سے زائد بوتلیں تقسیم کی گئی ہیں۔ اس کے علاوہ 2.8 ملین لیٹر زمزم کا پانی استعمال کیا گیا۔ 270 ہزار سے زائد زمزم کے کولرز کو بھرا گیا۔ نمازیوں کے لیے 25 ہزار سے زیادہ قالین فراہم کیے گئے۔

مقبول خبریں اہم خبریں