غرب اردن میں اسرائیلی فوج کی فائرنگ سے دو فلسطینی جاں بحق

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

فلسطین کے مقبوضہ مغربی کنارے کے شمالی شہر جنین کے جنوب میں واقعہ قباطیہ کے مقام پر اسرائیلی فوج کی فائرنگ سے کم سےکم دو فلسطینی شہری جاں بحق ہوگئے۔

ذرائع نے بتایا کہ اسرائیلی فوج نے نصف شب کے بعد قصبے پر دھاوا بولا جس کے بعد فلسطینی نوجوانوں اور قابض فوج میں پرتشدد جھڑپیں شروع ہوئیں۔

اسی دوران اسرائیلی فورسز نے اریحا میں عقبہ جبر کیمپ پر دھاوا بول دیا۔ اس کے بعد اسرائیلی فورسز نے طوباس پر دھاوا بولا اور شہر میں گرفتاری مہم شروع کی۔

شمالی مغربی کنارے میں طولکرم پناہ گزین کیمپ میں کارکنوں اور اسرائیلی فورسز کے درمیان مسلح جھڑپیں بھی ہوئیں۔

کل بدھ کو شہاب نیوز ایجنسی نے اطلاع دی کہ اسرائیلی آبادکاروں نے رام اللہ کے مشرق میں واقع قصبے دیر دبوان پر حملہ کیا جس میں متعدد شہری زخمی ہو گئے۔

فلسطینی میڈیا نے منگل کی شام کو اطلاع دی ہے کہ مغربی کنارے میں جنین کے جنوب میں واقع قصبے قباطیہ پر حملہ کرنے کے دوران فلسطینی کارکنوں اور اسرائیلی فورسز کے درمیان جھڑپیں ہوئیں۔

خبر رساں ایجنسی شہاب نے رپورٹ کیا ہے کہ فلسطینی کارکنوں نے قباطیہ قصبے میں اسرائیلی فورسز پر دیسی ساختہ دھماکہ خیز مواد سے حملہ کیا۔ اس دوران زور دار دھماکوں کی آوازیں سنی گئیں۔

کل منگل کی صبح اسرائیلی فوج نے غزہ کی پٹی پر فضائی حملے کیےجن میں اسلامی جہاد کے عسکری کمانڈروں سمیت کم سے کم پندرہ فلسطینی مارے گئے۔

مقبول خبریں اہم خبریں

مقبول خبریں