نابلس: قابض اسرائیلی فوج کی بربریت فلسطینی نوجوان شہید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اسرائیلی فوج کی فلسطینیوں کے خلاف بربریت جاری ہے۔آج جمعرات کو اسرائیلی فوج کی بربریت کے نتیجےمیں غرب اردن کے شمالی شہر نابلس میں ایک فلسطینی شہری شہید اور متعدد زخمی ہوگئے۔

نابلس شہرمیں العین کیمپ میں اسرائیلی فوج کی جارحیت کےدوران گولی لگنے سے خلیل یحییٰ الانیس نامی نوجوان شہید ہوگیا۔

نابلس میں ہلال احمر فلسطین کے مندوب احمد جبریل نے بتایا کہ اسرائیلی فوج کی فائرنگ سے زخمی ہونے والے کو ہسپتال منتقل کیا گیا ہے۔

جھڑپوں کے دوران آج جمعرات کی صبح صہیونی قابض فوج کی گولیوں اور گیسی بموں سے170 افراد دم گھٹنے سے متاثر ہوئے۔ادھر اسرائیلی فوج نے فلسطینی قیدی اسامہ الطویل کا مکان دھماکے سے اڑا دیا۔

نابلس کے النجاہ ہسپتال کے طبی ذرائع نے العین کیمپ سے تعلق رکھنے والے نوجوان خلیل یحییٰ الانیس کی نابلس پر جارحیت کے دوران قابض فوج کی گولی لگنے کے نتیجے میں شہادت کی تصدیق کی۔اسرائیلی فوج کی تازہ کارروائی میں متعدد نوجوان زخمی بھی ہوئے۔

خیال رہے کہ رواں سال کے دوران اسرائیلی فوجیوں اور یہودی آباد کاروں کی فائرنگ سے 161 فلسطینی شہید ہوئے ہیں۔ ان میں 28 بچے شامل ہیں۔

مقبول خبریں اہم خبریں

مقبول خبریں