جنگ کے دوران اسرائیل کے سفارتی چیلنج بڑھ گئے، وزیر خارجہ تبدیل

پہلی اشاعت: آخری اپ ڈیٹ:
مطالعہ موڈ چلائیں
100% Font Size

اسرائیلی حکومت نے اتوار کے روز وزیر خارجہ تبدیل کر دیا ہے۔ ایلی کوہن کی جگہ یسرائیل کاٹز نئے وزیر خارجہ ہوں گے۔
اسرائیلی فیصلے کے مطابق ایلی کوہن اب توانائی کی وزارت سنبھالیں گے۔ اسرائیلی حکومت کے جاری کردہ مطابق یہ مخلوط حکومت کا پہلے سے ہی فیصلہ تھا کہ وزارت خارجہ کا قلمدان تبدیل ہوگا۔

ایلی کوہن جنہیں ایک مشکل مرحلے کا سامنا رہا، جنگ کی وجہ سے یورپ میں بھی چیلنجز کا سامنا ہونے لگا تھا جبکہ جنگ میں فلسطینیوں کی غیر معمولی ہلاکتوں اور جنگی طوالت پر بھی وہ خارجہ محاذ پروہ اطمینان کی فضا بنانے میں ناکام رہے۔

اسرائیلی کابینہ کے اتوار کے روز ہونے والے اجلاس میں بھی وزیر اعظم نیتن یاہو کو لمبی جنگ کی وجوہات پر کابینہ کو تفصیل سے بتانا پڑا ہے۔
واضح رہے اب تک غزہ میں اسرائیلی بمباری کی وجہ سے اکیس ہزار آٹھ سو سے زائد فلسطینی ہلاک کیے جا چکے ہیں۔ نیتن یاہو کے مطابق یہ جنگ ابھی لمبی ہو سکتی ہے۔

اس صورت حال میں اسرائیل کے لئے پہلے والے وزیر خارجہ کے ساتھ سفارتی محاذ پر لڑنا مشکل یو گیا تھا۔ اس لئے ایلی کوہن کی جگہ یسرائیل کاٹز کو غزہ میں جنگ کے 86 ویں روز نیا وزیر خارجہ مقرر کر دیا گیا ہے۔

طویل جنگ کی وجہ سے اسرائیلی حکومت نے بلدیاتی انتخابات کے التواء کے لئے بھی اشارہ دے دیا ہے تاہم اس کے لئے باقاعدہ منظوری پارلیمنٹ سے لی جائے گی۔

مقبول خبریں اہم خبریں