یرغمالی کی لاش غزہ سے بازیاب کرالی گئی : اسرائیلی فوج

اسرائیلی فوج نے ہفتہ کے روز کہا ہے کہ 7 اکتوبر 2023 کو اسلامی جہاد کے حملے کے دوران اغوا کیے گئے ایک یرغمالی کی لاش بازیاب کرا لی گئی۔ اسرائیل کے اس یرغمالی کو جنوبی اسرائیل کے علاقے سے اسلامی جہاد نے اٹھا لیا تھا۔

اسرائیلی فوج کے مطابق یرغمالی کا نام ایلاد کاٹزر ہے۔ انٹیلیجنس رپورٹ کے مطابق اسلامی جہاد گروپ نے اسے ہلاک کر دیا تھا۔ جس کی لاش خان یونس کے علاقے سے رات کے وقت بازیاب کرا لی گئی۔

47 سالہ کاٹزر کو نیر ازکبتز کمیونٹی کے علاقے سے اس کی والدہ کے ساتھ اغوا کیا گیا تھا۔ تاہم اس کی والدہ کو 24 نومبر کو رہا کر دیا گیا۔ جب حماس اور اسرائیل کے درمیان جنگ بندی کا معاہدہ طے پایا تھا۔ جنگ بندی کا یہ معاہدہ وقفے وقفے سے طے پایا تھا۔

اسرائیلی فوج نے بتایا ہے کہ کاٹزر 12 ویں یرغمالی ہے جس کی لاش بازیاب کرائی گئی ہے۔