عیدالاضحیٰ 17 جون کو ہوگی: مصری فلکیاتی ادارے کی پیش گوئی

آج ہفتے کو مصر میں فلکیاتی اور جیو فزیکل ریسرچ انسٹی ٹیوٹ کے سربراہ طحہ رابح نے عید الاضحی کے پہلے دن اور اس سال کے لیے وقوف عرفہ کی تاریخوں کی پیش گوئی کی۔

رابح نے سماجی رابطے کی ویب سائٹ فیس بک پر اپنے آفیشل پیج پر ادارے کی جانب سے شائع کردہ ایک بیان میں انکشاف کیا ہے کہ فلکیاتی حساب سے رواں ہجری سال 1445 کے ماہ ذی الحج کا آغاز 7 جون بروز جمعہ کو ہوگا۔

17 جون بہ روز اتوار عید الاضحیٰ

اس طرح فلکیاتی اعتبار سے عید الاضحی کا پہلا دن 17 جون بروز اتوار ہو گا۔

فلکیاتی اور جیو فزیکل ریسرچ انسٹی ٹیوٹ کے سربراہ نے مزید کہا کہ "ماہ ذی الحج کا چاند 29 ذی القعدہ جمعرات بہ مطابق چھ جون کو قاہرہ کےمعیاری وقت کے مطابق ٹھیک 2:39 منٹ پر پیدا ہو گا۔

روئیت ہلال

انہوں نے وضاحت کی کہ "نیا ہلال مکہ معظمہ کے آسمان پر 11 منٹ تک رہے گا اور اس دن قاہرہ میں چاند کی روئیت کا امکانی وقت غروب آفتاب کے بعد 18 منٹ تک قاہرہ میں رہے گا۔ عرب جمہوریہ مصر کے دوسرے شہروں میں چاند کو اسی شام غروب آفتاب کے بعد 12 سے 20 منٹ تک دیکھا جا سکے گا۔

فلکیاتی اور جیو فزیکل ریسرچ کے انسٹی ٹیوٹ کے سربراہ نےبتایا کہ "عرب اور اسلامی دارالحکومتوں اور شہروں میں نیا ہلال اس دن غروب آفتاب کے بعد 1 سے 28 منٹ کے درمیان رہے گا۔ کوالالمپور اور جکارتہ چاند غروب آفتاب سے 9 اور 14 منٹ پہلے غروب ہوگا۔

طحہ رابح نے وضاحت کی کہ "یہ انسٹی ٹیوٹ کی سن ریسرچ لیبارٹری کی طرف سے کیے گئے فلکیاتی حسابات کے مطابق کام کرتا ہے، جس کی سربراہی پروفیسر ڈاکٹر یاسر عبدالہادی کر رہے ہیں"۔