سعودی عرب کی کنگ عبداللہ سٹی برائے جوہری اور قابل تجدید توانائی نے کنگ فہد یونیورسٹی آف پیٹرولیم اینڈ منرلز کے تعاون سے جوہری توانائی کے شعبے میں خصوصی سمر ٹریننگ پروگرام کا آغاز کیا ہے جس کا ہدف یونیورسٹی کے طلباء جو نیوکلیئر انجینئرنگ میں بیچلر پروگرام میں مہارت رکھتے ہیں کو تربیت فراہم کرنا ہے۔
تربیتی پروگرام 8 ہفتوں تک جاری رہے گا جس کے پہلے چار ہفتے سعودی عرب میں ہوں گے۔ اس کے بعد جمہوریہ کوریا میں کوریا نیوکلیئر انرجی ریسرچ انسٹی ٹیوٹ ’کے اے ای آر آئی‘ میں چار ہفتے کی ٹریننگ ہوگی۔
تربیتی پروگرام جمہوریہ کوریا میں جوہری تنصیبات اور ری ایکٹروں کے فیلڈ وزٹ کے علاوہ تحقیقی نیوکلیئر ری ایکٹرز پر خصوصی لیکچرز اور سائنسی تجربات فراہم کرکے یونیورسٹی کے طلباء میں جوہری توانائی کے شعبے میں تکنیکی علم اور عملی مہارتوں کو بڑھانے میں مدد گار ثابت ہوگا۔
یہ پروگرام جوہری توانائی کے میدان میں علم کو بڑھانے، نظریاتی اور عملی تعلیم کے معیار کو بلند کرنے، تعلیمی انفراسٹرکچر کو ترقی دینے کے لیے کنگ عبداللہ سٹی کی جاری کوششوں کے فریم ورک کا حصہ ہے۔
پروگرام کی مدد سے شاہ عبداللہ سٹی بہت سے تربیتی پروگرام اور پیشہ ورانہ سرٹیفکیٹ پیش کرتا ہے۔ان کا مقصد اس شعبے میں اہل اور خصوصی سعودی اہلیت کی مہارت کو فروغ دینا اور اس کی حمایت کرنے کے لیے نظریاتی علم اور عملی فیلڈ پریکٹس کےمواقع فراہم کرکے مملکت کی قائدانہ صلاحیتوں کو بہتر کرنا ہے۔
