تل ابیب دھماکا فضائی ہدف گرنے کے نتیجے میں ہوا : اسرائیلی فوج

اسرائیلی پولیس کے مطابق جمعرات اور جمعے کی درمیانی شب سوا تین بجے تل ابیب کے وسطی حصے میں ہونے والے زور دار دھماکے کے نتیجے میں 1 شخص ہلاک اور نو زخمی ہو گئے۔ پولیس کے بیان میں بتایا گیا ہے کہ دھماکا امریکی سفارت خانے کے نزدیک ہوا اورمتاثرہ علاقے میں تفتیش جاری ہے۔

دوسری جانب اسرائیلی فوج کا کہنا ہے کہ ابتدائی تحقیقات کے مطابق بظاہر یہ ڈرون حملہ لگ رہا ہے۔ فوج کے بیان میں بتایا گیا ہے کہ خبردار کرنے والے سائرن نہیں بجے۔

دھماکا کس وجہ سے ہو اس بارے میں متضاد معلومات ہیں۔ اسرائیلی میڈیا کے مطابق یہ دھماکا اس علاقے کے نزدیک ہوا جہاں سفارتی مشن واقع ہیں۔

اسرائیلی میڈیا کا کہنا ہے کہ دھماکا ایک ڈرون طیارے کے گرنے کے نتیجے میں ہوا۔ خیال ہے کہ یہ ڈرون طیارہ حزب اللہ کے ڈرون طیاروں سے ملتا جلتا ہے۔