سلامتی کونسل کے اجلاس سے پہلے ہی جنگ بندی کی کو ششیں تیز ہوگئیں : لبنانی وزیراعظم

لبنان کے وزیر اعظم نجیب میقاتی نے کہا ہے کہ لبنان اور اسرائیل کے درمیان جنگ بندی کے لیے بین الاقوامی سطح پر سفارتی کوششیں پچھلے کچھ گھنٹوں میں تیز ہوگئی ہیں۔ جس سے امید پیدا ہو رہی ہے کہ معاملات مثبت راستے کی طرف آجائیں گے۔

انہوں نے اس امر کا اظہار سوشل میڈیا پلیٹ فارم 'ایکس'پر جمعرات کے روز کیا ہے۔

نگران وزیراعظم لبنان کے مطابق اقوام متحدہ کی سلامتی کونسل کے اجلاس سے پہلے ہی سفارتی کوششوں میں تیزی دیکھنے میں آئی ہے۔ امریکہ و فرانس کے درمیان اس سلسلے میں رابطہ ہو گیا ہے جو جنگ بندی بحالی کے اعلان کے لیے کام کر رہے ہیں۔ تاکہ ایک خاص مدت اور سیاسی حل کے لیے دونوں ملکوں کے درمیان جنگ بندی بحال ہو جائے۔